He training hi Pu V. Lalremthanga, Director, R.D Deptt. chuan a hawng a, Pu Khuangthansanga Pakhuangte, Course Director chuan hawnna inkhawm hi a kaihhruai. He training-ah hian Aizawl District chhung atanga mi thlan chhuah 34 an tel thei a, V.C, YMA, MHIP, Watershed Committee leh Watershed Development Team an tel a. Watershed Management Programme thar lo chhuak chungchang inzirtirna hi SIRD faculty te bakah Dr. Lalnilawma, Asst. Prof. MZU, Dr. Lalbiakmawia Ngente, Gen. Secretary, MPF, Vanramliana, Asst. Prof. PUC leh Pu Lalvensanga Pachuau, Exe. Officer, Godrej Agrovet. ten zirtirna an pe ang.
2009 - 10 chhungin IWMP hnuaiah Project 16 awmin, Aizawl District chhungah project 6 a awm a, kum 7 bawr chhunga hman turin 17,265 ha. enkawlna atan Rs. 2589.75 lakhs. ruahman a ni. Aizawl District chhunga BDO zawng zawng chu Project Implementing Agency atan ruat vek an ni.
Khuangthansanga Pakhuangte
Asst. Director, SIRD, Mizoram